«شەرقىي تۈركىستان مىللىي كۈرىشىدە 05-ئاپرېل بارىن قوزغىلىڭىنىڭ ئەھمىيىتى ۋە شەھىدلەرنى خاتىرىلەش يىغىنى» ئەنقەرەدە ئۆتكۈزۈلدى

5-ئاپرىل سەيشەنبە كۈنى مۇخبىرلار ، ئاكادېمىكلار، يازغۇچىلار ، سىياسەتچىلەر ۋە ئاممىۋى تەشكىلاتلارنىڭ ۋەكىللىرى قاتناشقان «شەرقىي تۈركىستان مىللىي كۈرىشىدە 05-ئاپرېل بارىن قوزغىلىڭىنىڭ ئەھمىيىتى ۋە شەھىدلەرنى خاتىرىلەش يىغىنى» ئۇيغۇر ئاكادېمىيىسى ۋەخپى بىلەن دۇنيا ئۇيغۇر قۇرۇلتىيى ۋەخپىنىڭ ھەمكارلىقىدا ئەنقەرەدە مۇۋەپپەقىيەتلىك ئۆتكۈزۈلدى.

يىغىنىمىزغا بۈيۈك بىرلىك پارتىيەسى رەئىسى مۇستاپا دەستىجى ئەپەندى، كېلەچەك پارتىيەسىنىڭ ئاممىۋى تەشكىلاتلارغا مەسئۇل مۇئاۋىن رەئىسى ئەلى بۇراك توپالئوغلۇ، تۈرك ئوچاقلىرى مۇئاۋىن رەئىسى پروفېسسور دوكتور ئائىشە فىلىز ياۋۇز خانىم، ياپونىيە، ئامېرىكا ۋە شىۋىتسىيەنىڭ ئەنقەرە ئەلچىخانىلىرى دېپلوماتلىرى، ئاناتولىيە ئاگېنتلىقى ۋە قىرىم خەۋەر ئاگېنتلىقىنىڭ مۇخبىرلىرى، شۇنداقلا كۆپ ساندا ئاكادېمىك، تەتقىقاتچى ۋە تەشكىلات مەسئۇللىرى بولۇپ 40 تىن ئارتۇق كىشى قاتناشتى.