تەزىيە тәзийә
يازغۇچى ۋە ئىنقلاپچى تۇرسۇن ئىسلام ئەپەندىنىڭ ماكانى جەننەت ۋە روھى شاد بولسۇن!
ھاياتىنى ئۇيغۇر خەلقىنىڭ ئەركىنلىكى، ھۆرلۈكى ۋە مىللىي مۇستەقىللىقىنى قولغا كەلتۈرۈش كۈرۈشىگە ئاتىغان قىرغىزىستاندا تونۇلغان زىيالىيلىرىمىزدىن بىرى، جامائەت ئەربابى ۋە يازغۇچى تۇرسۇن ئىسلام ئەپەندىنىڭ 2022 – يىلى 5 – ئۆكتەبىر كېسەللىك سەۋەبى بىلەن 86 يېشىدا ئالەمدىن ئۆتكەنلىك خەۋىرىنى ئاڭلاپ ناھايىتى قايغۇردۇق.
جانابى ئاللاھ مەرھۇمنىڭ ماكانىنى جەننەت ۋە روھىنى شاد قىلسۇن! مەرھۇم تۇرسۇن ئىسلام ئەپەندىنىڭ ئائىلىسىگە، جۈملىدىن قىرغىزىستان ئۇيغۇرلىرىغا سەۋىر-تاقەت تىلەيمىز!
«شەرقىي تۈركىستان جۇمھۇرىيىتىنىڭ 60-يىلى» ناملىق كىتاب ۋە باشقا ئەسەرلەرنىڭ ئاپتورى ۋە مۇھاجىرەتتىكى خىتايغا قارشى كۆرەشتە تونۇلغان ئىنقىلابچى مەرھۇم تۇرسۇن ئىسلام ئەپەندى 1936-يىلى غۇلجىدا تۇغۇلغان ۋە 1955-يىلى قىرغىزىستانغا ھىجرەت قىلىپ چىققان.
مەرھۇم تۇرسۇن ئىسلام ئەپەندى ئۇيغۇر ياشلىرىمىز ئۈلگە ئېلىشقا تېگىشلىك ئىرادىلىك، قەيسەر ۋە ئۆزىنىڭ مۇستەقىللىق غايىسىدىن ئەسلا ۋاز كەچمىگەن، تاكى تىنىغىنىڭ ئاخىرقى مىنۇتلىرىغىچە مىللىي مۇستەقىللىق كۈرىشىمىز ئۈچۈن خىزمەت قىلغان مىللىي كۆرەش سېپىمىزنىڭ غوللۇق تۈۋرۈكلىرىنىڭ بىرى ئىدى.
مەرھۇم تۇرسۇن ئىسلام ئەپەندى مەيلى قىرغىزىستان ئۇيغۇر ئىتتىپاقىنىڭ قۇرۇلۇشىدا بولسۇن ۋە 2004-يىلى دۇنيا ئۇيغۇر قۇرۇلتىيىنىڭ قۇرۇلۇشىدا بولسۇن ئاكتىپ رول ئوينىغان. ئۆزى ئىنتايىن پىرىنسىپچى، مەسئۇلىيەتچان ۋە ئاق كۆڭۈل كىشى ئىدى.
مەرھۇم تۇرغۇن ئىسلام ئەپەندىنىڭ ۋاپاتى مىللىتىمىز ۋە مىللىي مۇستەقىللىق كۈرىشىمىز ئۈچۈن زور بىر يوقىتىش بولدى. بىز ئۇيغۇر ئاكادېمىيىسىدىكى زىيالىيلار مەرھۇم تۇرسۇن ئىسلام ئەپەندىنى ئىپتىخارلىق بىلەن ياد ئىتىش بىلەن بىرگە، ئۇنىڭ كۈرەش ئىرادىسىگە ۋارىسلىق قىلىپ شەرقىي تۈركىستان مىللىي مۇستەقىللىقىنى ئەسلىگە كەلتۈرگەنگە قەدەر كۈرىشىمىزنى داۋاملاشتۇرىمىز!
مەرھۇمنىڭ ماكانى جەننەت ۋە روھى شاد بولسۇن!
چۇڭقۇر قايغۇ ۋە ئېھتىرام بىلەن دوكتور رىشات ئابباس (ئۇيغۇر ئاكادېمىيىسى رەئىسى)
0222-يىلى 5-ئۆكتەبىر
тәзийә
язғучи вә инқлапчи турсун ислам әпәндиниң макани җәннәт вә роһи шад болсун !
һаятини уйғур хәлқиниң әркинлики, һөрлүки вә миллий мустәқиллиқини қолға кәлтүрүш күрүшигә атиған қирғизистанда тонулған зиялийлиримиздин бири, җамаәт әрбаби вә язғучи турсун ислам әпәндиниң 2022 – йили 5 – өктәбир кесәллик сәвәби билән 86 йешида аләмдин өткәнлик хәвирини аңлап наһайити қайғурдуқ.
җанаби аллаһ мәрһумниң маканини җәннәт вә роһини шад қилсун! мәрһум турсун ислам әпәндиниң аилисигә, җүмлидин қирғизистан уйғурлириға сәвир-тақәт тиләймиз!
«шәрқий түркистан җумһурийитиниң 60-йили» намлиқ китаб вә башқа әсәрләрниң аптори вә муһаҗирәттики хитайға қарши көрәштә тонулған инқилабчи мәрһум турсун ислам әпәнди 1936-йили ғулҗида туғулған вә 1955-йили қирғизистанға һиҗрәт қилип чиққан.
мәрһум турсун ислам әпәнди уйғур яшлиримиз үлгә елишқа тегишлик ирадилик, қәйсәр вә өзиниң мустәқиллиқ ғайисидин әсла ваз кәчмигән, таки тиниғиниң ахирқи минутлириғичә миллий мустәқиллиқ күришимиз үчүн хизмәт қилған миллий көрәш сепимизниң ғоллуқ түврүклириниң бири иди.
мәрһум турсун ислам әпәнди мәйли қирғизистан уйғур иттипақиниң қурулушида болсун вә 2004-йили дуня уйғур қурултийиниң қурулушида болсун актип рол ойниған. өзи интайин пиринсипчи, мәсулийәтчан вә ақ көңүл киши иди.
мәрһум турғун ислам әпәндиниң вапати миллитимиз вә миллий мустәқиллиқ күришимиз үчүн зор бир йоқитиш болди. биз уйғур академийисидики зиялийлар мәрһум турсун ислам әпәндини иптихарлиқ билән яд итиш билән биргә, униң күрәш ирадисигә варислиқ қилип шәрқий түркистан миллий мустәқиллиқини әслигә кәлтүргәнгә қәдәр күришимизни давамлаштуримиз !
мәрһумниң макани җәннәт вә роһи шад болсун !
чуңқур қайғу вә еһтирам билән доктор ришат аббас (уйғур академийиси рәиси)
0222-йили 5-өктәбир
